رمضان 2024 سيتكوم "الجلسة" للممثل الكوميدي أكرم الغربي ووالدته.
سيتكوم خفيف نظيف بإمكانيات تصوير بسيطة جدا إلا إنو قاعد يحقق في نسب مشاهدة عالية وهذا مش جديد على أكرم
و المرة هذه عجبتني الفكرة برشا و كانت جديدة عالمشاهد التونسي انو أكرم جسد واقع يعيشو الطالب باش يكون محامي من مراحل التكوين مرورا بايام المراجعة للمناظرة وصولا لممارسة المهنة وهذا لكل بطريقة هزلية وبسيطة تخللتها مشاهد كوميدية و احداث مشوقة تخليك تستنى وقتاش تهبط الحلقة الي مبعدها
أكرم الغربي في كل مرة يفك بلاصتو في المشهد الكوميدي التونسي وما استناش عروض من قنوات تلفزية او حتى دعم، بل خدم بلي قدر، ابدع و أقنع،و اليوم "الجلسة" نافس أعمال كبار في الإنتاج و حقق نسب مشاهدة أكثر، نتمناولو مزيد من النجاح و التألق و الدعم في اعمالو القادمة.